ఐకాన్ స్టార్ అల్లు అర్జున్ నటించిన ‘పుష్ప 2’ మూవీ డిసెంబర్ 5న ప్రేక్షకుల ముందుకు రాబోతుంది. సుకుమార్ దర్శకత్వంలో తెరకెక్కుతున్న ఈ సినిమా బన్నీ కెరీర్‌లో అత్యంత ప్రతిష్టాత్మకంగా నిలవనుంది. మేకర్స్ ఈ చిత్రంతో రూ. 1000 కోట్ల కలెక్షన్లను టార్గెట్ చేస్తుండటం విశేషం. అయితే నవంబర్ 20నాటికి ఫస్ట్ కాపీ సిద్ధం చేస్తామని చెప్పినా, ఇప్పటికీ షూటింగ్ పూర్తి కాకపోవడంతో సందేహం కలుగుతోంది.
ఇంకా 20 రోజుల పాటు షూటింగ్ ఉండటంతో చిత్ర యూనిట్ ముగింపు పనుల కోసం 3 టీమ్‌లను ఏర్పాటు చేసింది. గ్యాప్ లేకుండా వేగంగా పనులను జరుపుతున్నారు. కానీ అనుకున్న సమయానికి పూర్తిగా అవుట్‌పుట్ అందించగలమా అన్న సందేహాలు వ్యక్తమవుతున్నాయి. గతంలో ‘పుష్ప 1’ కోసం సుకుమార్ చివరి నిమిషంలో మాత్రమే మీడియా ముందుకు వచ్చి మాట్లాడారు. ఈ సారి పుష్ప 2 విషయంలోనూ అదే పరిస్థితి ఉంటుందేమోనన్న అనుమానం వినిపిస్తోంది.
రాజమౌళి వంటి దర్శకుడు తన సినిమాల రీతినే మార్చి, ప్రమోషన్స్ లో యాక్టివ్‌గా పాల్గొంటాడు. కానీ సుకుమార్ తన సినిమా చివరి నిమిషం వరకూ పోస్ట్ ప్రొడక్షన్ పనుల్లోనే ఉంటాడు అనే అభిప్రాయం కలుగుతోంది. ఇది ‘పుష్ప 2’ విషయంలో కూడా కొనసాగుతుందా అన్న ప్రశ్నలతో అభిమానులు కూడా కొంత నిరాశ చెందుతున్నారు. అందరూ ఎంతో ఆసక్తిగా ఎదురు చూస్తున్న ఈ చిత్రానికి సుకుమార్ ప్రమోషన్స్ లో పూర్తి స్థాయిలో భాగమైతే మరింత పబ్లిసిటీ కలుగుతుందని అభిమానుల అభిప్రాయం. కానీ షూటింగ్, ఎడిటింగ్, మిక్సింగ్ లాంటి కీలక పనులు మిగిలుండటంతో సుకుమార్ పూర్తి ప్రమోషన్లలో పాల్గొనే అవకాశం లేదని అనిపిస్తోంది.
Follow
Follow
Post a Comment