తెలుగు సినీ ఇండస్ట్రీలో ప్రముఖ దర్శకుడిగా గుర్తింపు పొందిన వంశీ పైడిపల్లి ప్రస్తుతం తన తదుపరి ప్రాజెక్ట్ కోసం ఓ ఆసక్తికరమైన కథను సిద్ధం చేస్తున్నాడు. మహర్షి వంటి విజయవంతమైన సినిమాతో మంచి గుర్తింపు పొందిన వంశీ, తర్వాత తమిళ స్టార్ విజయ్‌తో వారిసు రూపొందించి మోస్తరమైన ఫలితం సాధించాడు. ఈ సినిమా తర్వాత వంశీ నుండి ఎలాంటి అప్‌డేట్లు లేకపోవడంతో ప్రేక్షకులు ఆయన తదుపరి ప్రాజెక్ట్‌పై ఆసక్తిగా ఎదురు చూస్తున్నారు.
లేటెస్ట్ గా ఇండస్ట్రీలో వినిపిస్తున్న టాక్ ప్రకారం, వంశీ బాలీవుడ్ లో 2000 కోట్లు టార్గెట్ ను అందుకున్న మిస్టర్ పర్ఫెక్షనిస్ట్ ఆమిర్ ఖాన్‌తో సినిమా చేయడానికి సిద్ధమవుతున్నట్లు టాక్. సామాజిక అంశాలను ప్రతిబింబించే కథను సిద్ధం చేసిన వంశీ, ఆమిర్‌కు లైన్ వినిపించగా, ఆమిర్ పాజిటివ్‌గా స్పందించినట్లు వార్తలు వినిపిస్తున్నాయి. ఫుల్ స్క్రిప్ట్ సిద్ధమయ్యే వరకు వేచి ఉండమని ఆమిర్ సూచించాడట.
ప్రస్తుతం వంశీ తన స్క్రిప్ట్‌ను పూర్తి చేసుకుని, నిర్మాత దిల్ రాజుతో కలిసి ఆమిర్‌ను కలవడానికి ప్రణాళికలు సిద్ధం చేస్తున్నాడు. లగాన్, 3 ఇడియట్స్, దంగల్ వంటి క్లాసిక్స్ చేసిన ఆమిర్ ఖాన్‌ను మెప్పించడం అంటే సాధారణ విషయం కాదు. అయినప్పటికీ, గత చిత్రమైన లాల్ సింగ్ చడ్డా అనుకున్న స్థాయిలో విజయం సాధించకపోవడంతో ఆమిర్ కొత్త కథలపై మరింత జాగ్రత్తగా ఆలోచిస్తున్నాడు. ఈ నేపథ్యంలో వంశీ కథను ఆమిర్ ఎంతవరకు ఆమోదిస్తాడో చూడాలి.
Follow
Follow
Post a Comment