సూపర్ స్టార్ మహేష్ బాబు, డైరెక్టర్ రాజమౌళి కాంబోలో రాబోతున్న పాన్ వరల్డ్ మూవీ ‘SSMB29’ పై దేశ వ్యాప్తంగా భారీ అంచనాలు నెలకొన్నాయి. ‘బాహుబలి’, ‘ఆర్ఆర్ఆర్’ వంటి ఘనవిజయాల తర్వాత రాజమౌళి పాన్ వరల్డ్ లెవెల్ లో ఈ ప్రాజెక్ట్ ని దాదాపు 1000 కోట్ల బడ్జెట్ తో తెరకెక్కించబోతున్నారని టాక్. ఇప్పటికే స్క్రిప్ట్ వర్క్ పూర్తి చేసుకున్న ఈ సినిమా ప్రస్తుతం ప్రీప్రొడక్షన్ దశలో ఉంది.
రాజమౌళి ఇప్పుడు సినిమా కోసం లొకేషన్ల పరిశీలనలో బిజీగా ఉన్నారు. కథ ప్రకారం ఫారెస్ట్ నేపథ్యంతో తెరకెక్కనున్న ఈ సినిమాకు తగిన లొకేషన్ల కోసం జక్కన్న ప్రత్యేక శ్రద్ధ చూపిస్తున్నారు. ఈ చిత్రంలో మహేష్ బాబు ప్రత్యేకమైన లుక్ లో కనిపించబోతున్నాడు. మహేష్, క్యారెక్టరైజేషన్ కోసం ప్రత్యేక శిక్షణ తీసుకుంటున్నట్లు సమాచారం. ఇక ఈ భారీ ప్రాజెక్ట్ కోసం హాలీవుడ్ నటులను తీసుకునే ప్రయత్నాలు కూడా జరుగుతున్నాయి.
రాజమౌళి జనవరి ఫెస్టివల్ తర్వాత షూటింగ్ మొదలుపెట్టి, రెండేళ్లలో పూర్తిచేసి 2027లో విడుదల చేయాలనే లక్ష్యంతో ఉన్నారు. గతంలో ‘బాహుబలి’ కోసం 5 సంవత్సరాలు, ‘ఆర్ఆర్ఆర్’ కోసం 3 సంవత్సరాల టైమ్ తీసుకున్న జక్కన్న, ఈసారి కేవలం రెండేళ్లలో ‘SSMB29’ని పూర్తి చేయగలడా అనేది అసలు సందేహం. అయితే, రెండు పాన్ ఇండియా సినిమాల అనుభవం జక్కన్నకు ఉంది కాబట్టి, ఈ ప్రాజెక్ట్‌ను చక్కగా ప్లాన్ చేసి ఏడాదిలో షూటింగ్ పూర్తి చేసి, మరో ఏడాది పోస్ట్ ప్రొడక్షన్ కోసం కేటాయించే అవకాశం ఉంది. మరి ఈ ప్లాన్ ఎంతవరకు వర్కౌట్ అవుతుందో చూడాలి.
Follow
Follow
Post a Comment