ఐకాన్ స్టార్ అల్లు అర్జున్ పుష్ప 2 ట్రైలర్ ఇటీవల విడుదలై సంచలనంగా మారింది. సుకుమార్ దర్శకత్వంలో రూపొందిన ఈ చిత్రంలో కొన్ని ఆసక్తికరమైన అంశాలు హాట్ టాపిక్ గా మారాయి. అయితే ట్రైలర్‌లో కేవలం కొన్ని సెకన్లు కనిపించిన కన్నడ కేజీఎఫ్ యాక్టర్ తారక్ పొన్నప్ప పాత్ర అందరి దృష్టినీ ఆకర్షిస్తోంది. చెప్పుల దండతో, అరగుండు గెటప్‌లో కనిపించిన తారక్ పొన్నప్ప లుక్ ప్రస్తుతం సోషల్ మీడియాలో వైరల్‌గా మారింది.
ఈ పాత్ర సినిమాకు కీలకమని అర్థమవుతోంది. తారక్ ఇదివరకే ఒక ఇంటర్వ్యూలో తన పాత్రకు సంబంధించిన క్లారిటీ ఇచ్చాడు. తన పాత్ర పుష్పరాజ్ జీవితాన్ని కీలక మలుపు తిప్పే క్యారెక్టర్ అని, ఇందులో పాజిటివ్, నెగిటివ్ షేడ్స్ రెండూ ఉంటాయని తెలిపారు. సుక్కు ఈ క్యారెక్టర్ తో మంచి ట్విస్ట్ ఇవ్వనున్నట్లు పొన్నప్ప క్లారిటీ అయితే ఇచ్చాడు. ఈ పాత్ర పుష్ప కథనంలో ఎంతటి మార్పు తీసుకురాబోతుందో అనేది ఇప్పుడు అందరిలో ఆసక్తిని రేకెత్తిస్తోంది.
తారక్ పొన్నప్ప తెలుగులో ఇప్పటికే రజాకార్ మరియు దేవర (భైరా కొడుకు) చిత్రాలలో నటించి ప్రశంసలు అందుకున్నారు. పుష్ప 2లో ఈ అరగుండు పాత్ర ఆయన కెరీర్‌కు మేజర్ బ్రేక్ ఇవ్వబోతుందనే టాక్ నడుస్తోంది. సుకుమార్ దర్శకుడు గానే కాకుండా వినూత్న పాత్రలను డిజైన్ చేయడంలో తన ప్రత్యేకతను మరోసారి చాటారని అంటున్నారు. ఈ చిత్రం ట్రైలర్ యూట్యూబ్‌లో తెలుగు, హిందీ భాషల్లో ట్రెండింగ్‌లో ముందంజలో ఉంది. ఫాహద్ ఫాజిల్, జగపతిబాబు, రష్మిక మందన పాత్రల పట్ల ప్రేక్షకుల్లో భారీ అంచనాలున్నాయి. పుష్ప 2 ఈ ఏడాది అత్యధిక ప్రేక్షకాదరణ పొందే చిత్రం అవుతుందనే నమ్మకంతో ఫ్యాన్స్ ఉన్నారు.
Follow
Follow
Post a Comment