‘పుష్ప 2’లో స్పెషల్ సాంగ్ చిత్రీకరణ వేగంగా జరుగుతోంది. ఇక ప్రత్యేకంగా వేసిన సెట్లో అల్లు అర్జున్ శ్రీలీల కు సంబంధించిన డ్యాన్స్ ఫోటో ఇటీవల లీక్ అయిన విషయం తెలిసిందే. తాజాగా టీమ్ ఈ సాంగ్ నుంచి అధికారిక పోస్టర్ విడుదల చేసింది. అయితే, పుష్ప 1లో సమంత చేసిన ‘ఊ అంటావా’ పాటను మరిపించేలా ఈ సాంగ్ ఉంటుందా? అని అభిమానులు ఆసక్తిగా ఎదురుచూస్తున్నారు. చిత్రీకరణలో పాల్గొన్న వారు చెప్పినదాని ప్రకారం, సమంత చేసిన డాన్సును రెండింతలు శ్రిలీల చేస్తుందని తెలుస్తోంది.
దర్శకుడు సుకుమార్, ఈ పాటపై ఉన్న భారీ అంచనాలను దృష్టిలో ఉంచుకొని దీనికి తగినంత హై వోల్టేజ్ మాస్ ఎలిమెంట్స్‌ను జోడించారట. దేవిశ్రీ ప్రసాద్ ‘కిసిక్’ అనే ఎక్స్‌క్లూజివ్ ట్యూన్‌ను కంపోజ్ చేశారని సమాచారం. ట్రైలర్ విడుదల తర్వాత ఈ సాంగ్‌ను విడుదల చేయాలనే ఆలోచనలో ఉన్నారు మైత్రి మూవీ మేకర్స్. ఇక విడుదల తేదీ దగ్గరపడుతున్నందున ప్రమోషన్లను మరింత వేగంగా నిర్వహించబోతున్నారు. పాన్ ఇండియా స్థాయిలో ఏడు ప్రధాన నగరాల్లో ప్రమోషన్లను నిర్వహిస్తూ, నేషనల్ మీడియా కవరేజ్‌ను అందుకునేలా ప్రణాళికలు సిద్ధం చేశారు.
‘పుష్ప 2’ విడుదలకు ఇంకా 25 రోజులే ఉన్న ఈ సమయంలో, సినిమా తొలి వారంలోనే భారీగా కలెక్షన్లు సాధిస్తుందని ట్రేడ్ వర్గాలు అంచనా వేస్తున్నాయి. డిసెంబర్ 5న ఈ భారీ సినిమా ప్రేక్షకుల ముందుకు రాబోతుండగా, తమన్ రీ రికార్డింగ్ పనులు కూడా ప్రారంభమయ్యాయి. బాలీవుడ్ సినిమా ‘చావా’ సైతం ఈ హైప్ ముందు పోటీకి వెనుకంజ వేసింది. బన్నీతో ఈ స్థాయిలో పోటీకి ఏ ఇతర భాషా చిత్రం సైతం ముందుకు రావడానికి సిద్ధంగా లేదని అనిపిస్తోంది.
Follow
Follow
Post a Comment