పుష్ప 2 హిందీ ఫస్ట్ డే కలెక్షన్స్ ఎంత రావచ్చు?

అల్లు అర్జున్ అభిమానులు ఎంతో ఆతృతగా ఎదురుచూస్తున్న ‘పుష్ప 2’ సినిమా పై రోజు రోజుకూ క్రేజ్ పెరుగుతోంది. డిసెంబర్ 5న వరల్డ్ వైడ్ గా థియేటర్లలో విడుదలకానున్న ఈ సినిమా, డిసెంబర్ 4న ప్రత్యేక ప్రీమియర్ షోలను అన్ని భాషల్లో ప్రదర్శించడానికి మేకర్స్ సన్నాహాలు చేస్తున్నారు. ఈ భారీ ప్రాజెక్ట్ పై డిస్టిబ్యూటర్లు కూడా గట్టి నమ్మకం పెట్టుకున్నారు. ‘పుష్ప 2’ ఇప్పటికే ఇండియన్ బాక్సాఫీస్ హిస్టరీలో హైయెస్ట్ ప్రీరిలీజ్ బిజినెస్ సాధించి, దాదాపు 1000 కోట్ల కలెక్షన్స్ లక్ష్యంగా ప్రేక్షకుల ముందుకు వస్తోంది.

ఉత్తరాదిలోనూ ఈ సినిమా పట్ల విపరీతమైన ఆసక్తి నెలకొంది. హిందీ సినిమాల కంటే ఎక్కువ క్రేజ్ రావడం విశేషం. మొదటి రోజు కలెక్షన్లు భారీ స్థాయిలో ఉండడం గ్యారెంటీగా భావిస్తున్నారు. తాజాగా, అల్లు అర్జున్ ‘పుష్ప 2’లో రాజకీయ నాయకుడిగా కనిపించబోతున్నాడనే టాక్ వినిపిస్తోంది. వైట్ అండ్ వైట్ కాస్ట్యూమ్ లో ఉన్న బన్నీ ఫోటో నెట్టింట వైరల్ అవడంతో, ‘ఎమ్మెల్యే పుష్పరాజ్’ అంటూ ఫ్యాన్స్ సోషల్ మీడియాలో ప్రచారం చేస్తున్నారు. ఇది నిజమైతే, అభిమానులకు మరింత కిక్ ఇస్తుందని అంచనా. 

సాధారణంగా స్మగ్లర్ పాత్రలు ఎక్కువగా విలన్స్ కు పరిమితం అవుతాయి. కానీ ‘పుష్ప 2’లో హీరో స్మగ్లర్ నుండి రాజకీయ నాయకుడిగా మారడమే సరికొత్త అంశం అని ఫ్యాన్స్ అంటున్నారు. అయితే, ఈ వార్తల్లో ఎంతవరకు వాస్తవం ఉందన్నది ఇంకా స్పష్టతలేదు. సినీ విశ్లేషకులు ఇది కేవలం ప్రచారమని భావిస్తున్నారు. సుకుమార్ కథను పూర్తిగా కొత్త కోణంలో తీర్చిదిద్దినట్లు సమాచారం. ఇప్పటికే వచ్చిన రెండు సాంగ్స్ కు సూపర్ రెస్పాన్స్ వచ్చింది. త్వరలో రాబోతున్న ఐటెం సాంగ్ పై కూడా ప్రేక్షకులు ఎంతో ఆసక్తిగా ఉన్నారు.
Follow