‘దసరా’ సినిమాతో టాలీవుడ్‌లో దర్శకుడిగా బ్లాక్ బస్టర్ హిట్ అందుకున్న శ్రీకాంత్ ఓదేల మరోసారి నేచురల్ స్టార్ నాని కోసం దర్శకత్వం వహించబోతున్నాడు. ‘దసరా’ తర్వాత నాని ‘హాయ్ నాన్న’ మరియు ‘సరిపోదా శనివారం’ సినిమాలతో భారీ విజయాలు సాధించగా, ప్రస్తుతం ఆయన శైలేష్ దర్శకత్వంలో ‘హిట్ 3’ షూటింగ్‌లో ఉన్నాడు.
‘హిట్ 3’ తర్వాత నాని-శ్రీకాంత్ కాంబినేషన్‌లో రాబోయే కొత్త సినిమా టైటిల్ ‘ప్యారడైజ్’ అని వినిపిస్తోంది. ఈ చిత్రం సికింద్రాబాద్ బ్యాక్‌డ్రాప్‌లో సాగే కథతో, విభిన్నమైన కథాంశంతో ఉంటుంది. ఇక ప్యారడైజ్ హోటల్ గురించి ప్రత్యేకంగా చెప్పనక్కర్లేదు. ఇక ఆ సర్కిల్ చుట్టూ జరిగే సంఘటనల ఆధారంగా కథ సాగనుందని టాక్. 1980ల కాలం నేపథ్యంలో హింసాత్మక సన్నివేశాలు ఉండనున్న ఈ చిత్రంలో నాని మరో సవాలుతో కూడిన పాత్రలో కనిపించబోతున్నాడు.
మాఫియా బ్యాక్‌డ్రాప్‌లో సాగే ఈ చిత్రంలో, నాని చాలా కొత్తగా కనిపిస్తారట. ఇక మరోవైపు పాన్ ఇండియా క్రేజ్ వచ్చేలా దర్శకుడు శ్రీకాంత్ బాలీవుడ్ నుంచి ఒక బ్యూటీని హీరోయిన్‌గా తీసుకురావాలని అనుకుంటున్నారు. అనిరుద్ రవిచందర్ ఈ చిత్రానికి సంగీతం అందించనున్నాడు. బహుశా ‘దసరా’ తర్వాత, ‘ప్యారడైజ్’ కూడా నానికి మరో పెద్ద విజయాన్ని అందించవచ్చని ఆశిస్తున్నారు.
Post a Comment