నెట్‌ఫ్లిక్స్ బాహుబలి.. ఎంత డబ్బు వేస్ట్ అయ్యిందంటే..?

మోక్షజ్ఞ సినీ ఎంట్రీ కోసం నందమూరి అభిమానులు ఎంతగా ఎదురుచూస్తున్నారో ప్రత్యేకంగా చెప్పనక్కర్లేదు. ప్రశాంత్ వర్మ దర్శకత్వంలో మోక్షజ్ఞ తన తొలి చిత్రానికి సిద్ధమవుతున్నారు. ఈ ప్రాజెక్టు సినిమాటిక్ యూనివర్స్‌లో భాగమని, ప్రత్యేకంగా రాసుకున్న కథతో ఇది తెరకెక్కబోతుందని సమాచారం. సినిమా ప్రకటన రోజునే విడుదలైన మోక్షజ్ఞ లుక్ మంచి స్పందన తెచ్చుకుంది. తాజాగా, మోక్షజ్ఞ క్లోజప్ షాట్‌ను ప్రశాంత్ వర్మ సోషల్ మీడియాలో పంచుకున్నారు. 

“యాక్షన్ కోసం సిద్ధమా?” అని పెట్టిన క్యాప్షన్ సినిమా వైపు కొత్త ఆసక్తి కలిగించింది. లుక్‌లో మోక్షజ్ఞ పూర్తిస్థాయిలో మార్పు చెందడం, కొత్తగా కనిపించడం ప్రేక్షకులను ఆకట్టుకుంది. అయితే ఈ లుక్‌పై అభిమానులు విభిన్న అభిప్రాయాలు వ్యక్తం చేస్తున్నారు. కొందరు మోక్షజ్ఞ లుక్‌ను చూసి లవ్ స్టోరీ చేస్తే బాగుంటుందని భావిస్తుండగా, మరికొందరు మాత్రం యాక్షన్ డ్రామాకే న్యాయం చేయాలని డిమాండ్ చేస్తున్నారు. 

ఇక మాస్ ఫ్యాన్స్ లో ఓ టెన్షన్ కూడా ఉంది. బాలయ్య ఊర మాస్ డైలాగ్స్, హై వోల్టేజ్ మాస్ సీన్స్ ను ఇష్టపడే నందమూరి అభిమానులు కొంత వరకు కన్ఫ్యూజ్ అవుతున్నారు. మా హీరో వారసుడు కూడా అదే రేంజ్ క్లిక్కవ్వాలి అని కొరుకోవడంలో తప్పు లేదు. కానీ అదే మాస్ లైన్ లో వెళ్ళాలి అంటేనే కష్టం. ఎందుకంటే మోక్షజ్ఞ లుక్స్ చూస్తుంటే అందుకు భిన్నంగా ఉన్నాడు. లవర్ బాయ్ రోల్ కు పర్ఫెక్ట్ గా సెట్టవుతాడనిపిస్తోంది. ఇక ప్రశాంత్ వర్మ అతన్ని ఎలా హైలెట్ చేస్తాడు అనేది అసలు ప్రశ్న.

బాలయ్య మాస్ ఇమేజ్, ఫ్యాన్స్ మాస్ అంచనాల మధ్య తెలియని టెన్షన్ ఉంటుంది. ఎలా చూపించినా కామెంట్స్ రాకుండా ఉండవు. కాబట్టి తనకంటూ ఒక సెపరేట్ స్టైల్ ఉండేలా హైలెట్ చేయగలిగితే దర్శకుడు సక్సెస్ అయినట్లే. ఇక కథే ప్రధానంగా ఉండాలి అని బాలయ్య ఇంతకాలం ఆగారు. తొలి చిత్రంతోనే అభిమానులను ఆకట్టుకోవాలని, కథ మరియు జానర్ విషయంలో మరింత జాగ్రత్త వహించారు. ఇక మోక్షజ్ఞ నటుడిగా క్లిక్కయితే ఆ తరువాత బిరుదులు వాటంతట అవే వస్తాయి. మాస్ అయినా క్లాస్ అయినా కంటెంట్ లో హీరో క్లిక్కవ్వాలి అని బాలయ్య ప్రయత్నం చేస్తున్నట్లు అర్ధమవుతుంది. మరి మాస్ ఆడియెన్స్ ఆలోచన విధానాన్ని మొదటి సినిమాతో ఎలా మారుస్తారో చూడాలి.
Follow