నందమూరి అభిమానులు ఎప్పటి నుంచో ఎదురు చూస్తున్న మోక్షజ్ఞ సినిమా ఎంట్రీకి రంగం సిద్ధమవుతోంది. బాలయ్య తనయుడి డెబ్యూ కోసం ప్రశాంత్ వర్మ ప్రత్యేకంగా స్క్రిప్ట్ తయారు చేస్తున్నారు. ఈ సినిమా త్వరలోనే సెట్స్‌పైకి వెళ్లబోతోంది. కథకు ప్రాణం పోసే ప్రతినాయకుడి పాత్ర కోసం పలువురు నటులను పరిశీలించిన తర్వాత విక్రమ్ తనయుడు ధృవ్‌కు ఆ అవకాశం దక్కినట్లు తెలుస్తోంది.
ప్రస్తుతం ప్రశాంత్ వర్మ ధృవ్‌తో చర్చలు జరుపుతుండగా, ధృవ్ ఈ ప్రాజెక్ట్‌లో నటించేందుకు రేడిగానే ఉన్నారని సమాచారం. మొదటి సినిమాలో కథానాయిక ఎంపిక కూడా ఎంతో ప్రత్యేకంగా జరిగింది. రవీనా టాండన్ కుమార్తె రషా థడానీ కథానాయికగా నటించనున్నారు. ఆమెతో ఇటీవలే ఫొటో షూట్ నిర్వహించినట్లు తెలుస్తోంది. ఇది మాత్రమే కాకుండా ఈ సినిమాలో మరో కీలక పాత్ర కోసం మరో స్టార్ కిడ్‌ను తీసుకోనున్నట్లు టాక్.
మోక్షజ్ఞ సినిమాను మరింత ప్రత్యేకం చేయడంలో బాలకృష్ణ పాత్ర కీలకమవుతుందట. శ్రీకృష్ణుడి పాత్రలో బాలయ్య కనిపించనున్నారని సమాచారం. మోక్షజ్ఞ పాత్ర పురాణ గాథల్లోని అభిమన్యుడికి సంబంధించిన అంశాలను కలిగి ఉంటుందని, ఇది కథకు ప్రత్యేక ఆకర్షణగా నిలుస్తుందని తెలుస్తోంది. హీరో మోక్షజ్ఞ, విలన్ ధృవ్, కథానాయిక రషా.. ఇలా వేర్వేరు ఇండస్ట్రీల నుండి స్టార్ వారసులు ఓకె సినిమాలో నటిస్తుండడం ఈ సినిమాకు ప్రత్యేక హైలైట్‌గా మారనుంది.
Follow
Follow
Post a Comment