దర్శకుడు రాజమౌళి – సూపర్ స్టార్ మహేష్ బాబు కాంబినేషన్‌లో రూపొందబోయే పాన్ వరల్డ్ ప్రాజెక్ట్ ఇంకా సెట్స్ మీదికి రాకముందే భారీ అంచనాలు పెరుగుతున్నాయి. మహేష్ బాబు ఇందులో గడ్డం పెంచి, ఓ అడ్వెంచరస్ ట్రావెలర్ లుక్‌లో కనిపించబోతున్నారని తెలుస్తోంది. ఈ సినిమా ఆఫ్రికా అడవుల నేపథ్యంతో సాగనుందని ఇప్పటికే ఒక క్లారిటీ వచ్చేసింది. ఇక లేటెస్ట్ లీక్ ప్రకారం, కథ ప్రారంభం వారణాసి నేపథ్యంలో ఉంటుందని ఇండస్ట్రీలో వార్తలు చక్కర్లు కొడుతున్నాయి.
రాజమౌళి స్టైల్లో పలు ఆసక్తికరమైన సన్నివేశాలు ఉంటాయట. గతంలో ‘RRR’లో రామ్ చరణ్ శ్రీరాముడి లుక్‌లో మెప్పించినట్లుగా, ఈ సినిమాలో మహేష్‌ను కూడా రాముడి అవతారంలో ప్రత్యేకంగా చూపించబోతున్నారని సమాచారం. ఈ ఎపిసోడ్ సినిమాకు ప్రధాన ఆకర్షణగా నిలవనుందట. ఈ సినిమాను ఇంకాస్త విశేషంగా మలచడానికి రాజమౌళి హిందూ దేవాలయాలకు సంబంధించిన అంశాలను కథలో లింక్ చేయనున్నట్లు తెలుస్తోంది. ఈ ప్రాజెక్ట్‌ని మరింత స్ట్రాంగ్ చేయడానికి ప్రత్యేకంగా వర్క్ షాప్ ఏర్పాటు చేసేందుకు సన్నాహాలు చేస్తున్నారు. మహేష్ బాబును ఇంతవరకు చూపని అవతారంలో చూపిస్తూ ప్రేక్షకులను ఆకట్టుకోనున్నారు. ఇక వచ్చే ఏడాది సమ్మర్‌లో ఈ సినిమా రెగ్యులర్ షూటింగ్ ప్రారంభమయ్యే అవకాశం ఉంది.
Follow
Post a Comment