2024లో పెద్ద హిట్‌గా నిలిచిన 'హనుమాన్'కి సీక్వెల్ ‘జై హనుమాన్’ ఇటీవల అధికారికంగా ప్రకటించారు. ఈ సినిమా ఇప్పుడు మైత్రి మూవీ మేకర్స్ ఆధ్వర్యంలో రూపొందనుండటంతో బడ్జెట్, స్కేల్ మరింతగా పెరిగాయి. ముఖ్యంగా రిషబ్ శెట్టిని ప్రధాన పాత్రలో తీసుకోవడంతో, సినిమా షూటింగ్ ప్రారంభం కాకుండానే అంచనాలు ఆకాశాన్ని తాకుతున్నాయి. థీమ్ సాంగ్ విడుదల కూడా ఆశ్చర్యానికి గురి చేసింది.
తాజాగా దర్శకుడు ప్రశాంత్ వర్మ రిషబ్ శెట్టి, దగ్గుబాటి రానాతో కలిసి ఉన్న ఫోటోని ఎక్స్‌లో షేర్ చేయడం కొత్త ప్రశ్నలకు దారితీస్తోంది. అందులో రిషబ్ శెట్టి హనుమంతుడిగా కన్ఫర్మ్ అయితే, రానా ఎవరా అనే సందేహం ముందుకు వచ్చింది. ఇన్‌సైడ్ టాక్ ప్రకారం, రానా ఈ సినిమాలో రావణాసురుడిగా కనిపించే అవకాశం ఉందని తెలుస్తోంది. ఇది అఫీషియల్‌గా ప్రకటించనప్పటికీ, రానా యొక్క గంభీర రూపం, గళం రావణుడి పాత్రకు పర్ఫెక్ట్‌గా సరిపోతాయని భావిస్తున్నారు.
ఇప్పటికీ సినిమాలో రాముడి పాత్ర కోసం హీరో ఎవరన్నది ఖరారు కాలేదు. ప్రశాంత్ వర్మ ముందుగా మోక్షజ్ఞ డెబ్యూ ప్రాజెక్ట్‌పై ఫోకస్ చేయాలి, ఆ తర్వాతే 'జై హనుమాన్'పై పూర్తి స్థాయి పనులు మొదలవుతాయి. ఈ చిత్రంతో పాటు ప్రశాంత్ తన సినిమాటిక్ యూనివర్స్‌లో మరో ప్యాన్ ఇండియా ప్రాజెక్ట్ ‘మహాకాళి’ని కూడా ప్రకటించిన సంగతి తెలిసిందే. 2025లో రిషబ్ శెట్టి ‘కాంతార 2’ విడుదల అయ్యే అవకాశం ఉండగా, 2026లో ‘జై హనుమాన్’ రిలీజ్ అవుతుందనే ప్రచారం ఉంది.
Follow
Follow
Post a Comment