‘గేమ్ ఛేంజర్’ టీజర్ విడుదలతో మెగా ఫ్యాన్స్ లోని ఆనందం మరింత పెరిగింది. రెండురోజుల్లోనే 70 మిలియన్ల వ్యూస్ దాటడంతో సినిమా మీద ఉన్న క్రేజ్ మరో స్థాయికి చేరుకుంది. రామ్ చరణ్ మూడు విభిన్న షేడ్స్ లో కనిపిస్తారనే విషయం అందరికీ తెలిసిందే. కాలేజీ స్టూడెంట్, ఐఏఎస్ ఆఫీసర్, రైతు మరియు రాజకీయ నాయకుడిగా ఉన్న లుక్స్‌ను టీజర్‌లో రివీల్ చేశారు. అయితే ఈ మూడు పాత్రలలో అప్పన్న పాత్రకే మరింత ప్రాధాన్యత ఉందని తెలిసింది.
ఫ్లాష్‌బ్యాక్ ఎపిసోడ్‌లో అప్పన్న పాత్రలో రామ్ చరణ్ చాలా అద్భుతంగా కనిపించారని అర్ధమవుతుంది. పంచెకట్టులో ఆయనను చూస్తే అభిమానులకు కొత్త అనుభూతి కలుగుతుందని అంటున్నారు. ఈ పాత్రలో ఆయన సరసన అంజలి గిరిజన నృత్య కళాకారిణిగా నటించింది. సామాజిక సమస్య కోసం చేసే పోరాటంలో అప్పన్న చూపించే ధైర్యం, తనపై దాడి చేసే పోలీసుల మీద చూపించే ప్రతాపం అన్నీ ఆడియన్స్‌కి హైలైట్ అవుతాయని సమాచారం. ఇక ఈ ఎపిసోడ్‌లోని కీలక ట్విస్టు మున్ముందు ప్రేక్షకులను ఉత్కంఠగా ఉంచేలా ఉండనుంది.
దర్శకుడు శంకర్ తన వింటేజ్ టచ్‌ను ఈ సినిమాలో చూపిస్తారని తెలుస్తోంది. ఎలక్షన్ ఆఫీసర్ పాత్రలో రామ్ చరణ్ చేసే ప్రతీ సీన్, అప్పన్న పాత్ర ఇచ్చిన ప్రభావంతోనే మరింత ఆకట్టుకుంటుందట. డల్లాస్‌లో జరిగే ప్రీ రిలీజ్ ఈవెంట్ మరియు తదుపరి కార్యక్రమాలు గేమ్ ఛేంజర్ ప్రమోషన్‌లో భాగంగా ఉండనున్నాయి. పుష్ప 2 విడుదల తర్వాత పూర్తి స్థాయిలో ప్రమోషన్లను పెంచేందుకు దిల్ రాజు టీమ్ గట్టి ప్రణాళికలు సిద్ధం చేసింది.
Follow
Follow
Post a Comment