.jpeg)
మొలివుడ్ మెగాస్టార్ మమ్ముట్టి తనయుడిగా సినీ ఇండస్ట్రీలో అడుగుపెట్టిన దుల్కర్ సల్మాన్, తండ్రి వారసత్వాన్ని నిలబెట్టుకుంటూ తనకంటూ ప్రత్యేక గుర్తింపు సంపాదించుకున్నారు. తన యాక్టింగ్ టాలెంట్, లుక్స్‌తో మాలీవుడ్ లోనే కాకుండా, ఇప్పుడు టాలీవుడ్ లోనూ మంచి క్రేజ్ అందుకున్నారు. తెలుగులో మొదటగా నాగ్ అశ్విన్ దర్శకత్వం వహించిన 'మహానటి' సినిమాలో జెమినీ గణేషన్ పాత్రలో నటించి టాలీవుడ్ ప్రేక్షకులకు దగ్గరయ్యారు.
ఆ తర్వాత 'సీతారామం' చిత్రంతో బ్లాక్ బస్టర్ హిట్ అందుకొని, తెలుగు ప్రేక్షకుల హృదయాలను గెలుచుకున్నారు. రీసెంట్ గా 'కల్కి 2898 ఎడి'లో చేసిన క్యామియో కూడా హిట్టవ్వడంతో దుల్కర్ క్రేజ్ మరింత పెరిగింది. ఇప్పుడు వెంకీ అట్లూరి దర్శకత్వంలో ‘లక్కీ భాస్కర్’ అనే చిత్రంతో దుల్కర్ ప్రేక్షకుల ముందుకు వచ్చారు.
మిడ్-క్లాస్ బ్యాంకు ఉద్యోగి పాత్రలో దుల్కర్ తన నటనతో ప్రేక్షకులను మాయ చేశాడు. టాలీవుడ్ బాక్సాఫీస్ వద్ద పాజిటివ్ టాక్ సాధించిన ఈ సినిమా పాన్ ఇండియా స్థాయిలో విజయవంతమవుతోంది. మాలీవుడ్ లో కూడా లక్కీ భాస్కర్ శుభారంభం సాధించి మంచి ఓపెనింగ్స్ అందుకుంది. ఇది దుల్కర్ యొక్క హ్యాట్రిక్ విజయాలకు ఒక నిదర్శనం. ప్రస్తుతం ఆయన తెలుగులో ‘ఆకాశంలో ఒక తార’లో కూడా నటిస్తున్నారు. మొత్తానికి తెలుగులో దుల్కర్ కి 100% స్ట్రైక్ రేట్ కొనసాగుతుండటంతో, అభిమానులు దుల్కర్ కెరీర్ పై మరింత ఆసక్తి చూపుతున్నారు.
Follow
Follow
Post a Comment