వరుస విజయాలతో ఊపుమీదున్న తరుణంలో బాలకృష్ణ 109వ సినిమా 2025 సంక్రాంతికి రాబోతోంది. ఇక ఫ్యాన్స్‌లో అంచనాలు ఒక్కసారిగా పెరిగిపోయాయి. సంక్రాంతి పండగ సెంటిమెంట్ బాలయ్యకు కలిసి వస్తుందనే నమ్మకంతో ఎదురుచూస్తున్నారు. కానీ, ఈ సినిమా టైటిల్ అనౌన్స్ మెంట్‌ ఇప్పటికీ ఆలస్యమవుతుండడంతో అందరిలో అనుమానాలు పెరుగుతున్నాయి. ముందుగా దసరా సమయంలో అనుకున్నారు. తర్వాత దీపావళికి టైటిల్ వెల్లడిస్తారని భావించినప్పటికీ, సీజీ వర్క్ ఇంకా పూర్తి కాలేదని నిర్మాత నాగవంశీ తెలిపారు.
టైటిల్ పట్ల అభిమానుల్లో ఆసక్తి మామూలుగా లేదు. "డాకూ మహారాజ్" మరియు "సర్కార్ సీతారామ్" అనే పేర్లు ప్రచారంలో ఉన్నప్పటికీ, అధికారిక ప్రకటన మాత్రం ఇంకా రాలేదు. దర్శకుడు బాబీ సినిమాను డెడ్‌లైన్‌కి అందించడానికి తీవ్రంగా శ్రమిస్తున్నారని తెలిసింది. ఫస్ట్ కాపీ కోసం డిసెంబర్‌కి ప్లాన్‌ చేసినప్పటికీ, కొన్ని ముఖ్యమైన సన్నివేశాలు ఇంకా పూర్తికాలేదు, ఈ నెలాఖరుకి షూటింగ్ ముగిస్తే బెటర్‌ టైమ్‌లో రిలీజ్‌ చేసే వీలు ఉంటుంది.
ఈ ప్రాజెక్ట్‌తో హ్యాట్రిక్‌ విజయాల తర్వాత బాలయ్య మరోసారి ఘన విజయం సాధించాలనే ఉత్సాహంతో ఉన్నారు. 109వ సినిమాతో పాటు, అఖండ 2 చిత్రానికి సంబంధించిన వర్క్ లో కూడా బాలయ్య బిజీగా ఉన్నారు. మరోవైపు అన్‌స్టాపబుల్ 4 కోసం కూడా బాలయ్య ప్రత్యేక సమయాన్ని కేటాయిస్తున్నారు.
Follow
Follow
Post a Comment