అల్లరి నరేష్ ప్రధాన పాత్రలో తెరకెక్కిన ‘బచ్చలమల్లి’ మాత్రం విడుదలకు ముందే లాభాలను అందుకుంది. డిసెంబర్ 20న విడుదలకానున్న ఈ సినిమా నిర్మాతకు టేబుల్ ప్రాఫిట్ తెచ్చిపెట్టింది. ఈ సినిమా మొత్తం రూ.15 కోట్ల బడ్జెట్‌తో పూర్తి కాగా, ఓటీటీ, శాటిలైట్, థియేట్రికల్, ఆడియో హక్కులు కలిపి రూ.16 కోట్లకు అమ్ముడవడంతో నిర్మాతకు ముందే లాభం వచ్చినట్లు తెలుస్తోంది.
ఒక విధంగా ఇలాంటి సినిమాల నిర్మాతలకు ఇది పెద్ద విజయమే. సినిమా ఫస్ట్ లుక్, గ్లింప్స్ విడుదల తర్వాత మంచి క్రేజ్ వచ్చింది. నరేష్ కొత్త తరహా గెటప్, కంటెంట్‌పై ఆసక్తిని పెంచాయి. హాస్య మూవీస్ బ్యానర్‌లో వచ్చిన నాంది, సామజవరగమన, ఊరి పేరు భైరవ కోన వంటి డీసెంట్ సినిమాల తర్వాత ఈ చిత్రం కూడా సేఫ్ జోన్‌లో చేరింది. డిసెంబర్ 20న పెద్ద సినిమాలేవి లేకపోవడంతో విడుదల తేదీ కూడా మంచి ప్రయోజనం కలిగించనుంది. ‘గేమ్ చేంజర్’ వాయిదా పడటంతో బచ్చలమల్లికి అందుబాటులో ఉన్న అన్ని స్క్రీన్లు దొరికే అవకాశముంది. ఇక త్వరలోనే టీజర్ విడుదల చేసి ప్రమోషన్ల వేగాన్ని పెంచాలని నిర్మాత రాజేష్ దండా యోచిస్తున్నారు. తక్కువ బడ్జెట్‌లో మంచి కథా కథనాలతో రూపొందిన ఈ సినిమా ప్రేక్షకులను ఆకట్టుకుంటుందనే నమ్మకంతో చిత్రబృందం ఉంది.
Follow
Post a Comment