‘అమరన్’ మొత్తానికి ప్రేక్షకుల దృష్టిని ఆకర్షించింది. కోలీవుడ్ స్టార్ శివ కార్తికేయన్ ప్రధాన పాత్రలో రాజ్‌కుమార్ పెరియస్వామి దర్శకత్వం వహించిన ఈ సినిమా, మేజర్ ముకుంద్ వరదరాజన్ జీవితం ఆధారంగా రూపొందింది. ముందే మంచి బజ్ సొంతం చేసుకున్న ఈ చిత్రం, ప్రచార చిత్రాలు ఆకట్టుకోవడంతో హైప్ మరింతగా పెరిగింది. అక్టోబర్ 31న విడుదలైన ఈ చిత్రం ఫుల్ లెంగ్త్ ఎమోషనల్ కంటెంట్ తో సానుకూల స్పందనను సొంతం చేసుకుని భారీ వసూళ్లు రాబట్టింది.
వరల్డ్ వైడ్ గా మొదటి రోజు రూ. 36 కోట్ల గ్రాస్ వసూలు చేయడం ద్వారా శివ కార్తికేయన్ కెరీర్ లోనే అత్యుత్తమ ఓపెనింగ్స్ సాధించిన చిత్రంగా రికార్డ్ సృష్టించింది. ‘అమరన్’ ఓపెనింగ్స్ తో శివ కార్తికేయన్ టైర్ 2 హీరోల్లోనే అత్యధిక వసూళ్లు సాధించి రెండో స్థానంలో నిలిచాడు. విజయ్ దేవరకొండ ‘ఖుషి’ (27 కోట్లు) రికార్డును ఈ చిత్రం దాటేసింది. ఇక టైర్ 2 హీరోలలో దక్షిణ భారతదేశంలో అత్యధిక వసూళ్లు సాధించిన లిస్టులో నాని నటించిన ‘దసరా’ (38 కోట్లు) మొదటి స్థానంలో ఉంది.
‘లైగర్’ (25 కోట్లు), ‘రాయన్’ (24.20 కోట్లు), ‘సరిపోదా శనివారం’ (22 కోట్లు) ఈ లిస్టులో తగిన స్థానాలను కైవసం చేసుకున్నాయి. ఇప్పటి వరకు రూ. 20 కోట్ల కంటే ఎక్కువ గ్రాస్ వసూళ్లు సాధించిన టైర్ 2 హీరోల సినిమాలు ఇవే కావడం విశేషం. రాబోయే రోజుల్లో వీటి రికార్డులు ఎవరూ అధిగమిస్తారో వేచి చూడాలి.
Follow
Follow
Post a Comment