‘గేమ్ ఛేంజర్’ సినిమా ద్వారా దర్శకుడు శంకర్ మొదటిసారి తెలుగు ఇండస్ట్రీలో వర్క్ చేస్తున్నారు. ఇక ఈ నేపథ్యంలో ఆయన కూతురు అదితి శంకర్ కూడా తెలుగులో కథానాయికగా అరంగేట్రం చేయబోతుండడం విశేషం. అదితి శంకర్ తమిళంలో ఇదివరకే కొన్ని సినిమాలు చేసింది. కానీ చెప్పుకోదగ్గ సినిమాలు అయితే రాలేదు. ఇక త్వరలో టాలీవుడ్ లో ఆమె ఒక కాస్ట్లీ సినిమాతో రాబోతోంది.
బెల్లంకొండ శ్రీనివాస్ భైరవం చిత్రంలో ఆమె కథానాయికగా నటిస్తున్నారు. బెల్లంకొండ సినిమాల ఫలితాలు ఎలా ఉన్నా కూడా బడ్జెట్ మాత్రం గట్టిగానే ఉంటుంది. ఇక అందులో నటించేవారికి కూడా రెమ్యునరేషన్స్ హై రేంజ్ లోనే ఉంటాయి. అలాగే భైరవం సినిమాకు కూడా ఇంతకుముందు సినిమాల కంటే ఎక్కువ రెమ్యునరేషన్ అందుకుంటున్నట్లు తెలుస్తోంది.
ఇక తమిళంలో విజయవంతమైన గరుడన్ చిత్రానికి ఇది రీమేక్. పల్లెటూరి సాంప్రదాయ లుక్‌లో హీరోయిన్ ఆమె కనిపించనున్నట్లు తెలుస్తోంది. బెల్లంకొండ శ్రీనివాస్ తో పాటు సినిమాలో, మంచు మనోజ్, నారా రోహిత్ కీలక పాత్రల్లో నటిస్తున్నారు. దర్శకుడు విజయ్ కనకమేడల ఈ చిత్రాన్ని తెరకెక్కిస్తుండగా, శ్రీ సత్యసాయి ఆర్ట్స్ బ్యానర్ పై కెకే రాధామోహన్ నిర్మిస్తున్నారు. అదితి పాత్ర బెల్లంకొండ శ్రీనివాస్ సరసన ఉంటుందని సమాచారం.
Follow
Follow
Post a Comment