డిసెంబర్ మొదటి వారంలో పుష్ప 2తో విడుదల కావాల్సిన బాలీవుడ్ పాన్ ఇండియా మూవీ చావా అనుకున్న తేదీకి పోటీ పడడం కష్టంగా మారింది. ప్రస్తుతం అధికారిక ప్రకటన రాకపోయినా, ప్రమోషన్ లేకపోవడంతో ఇది వాయిదా కాబోతుందనే సంకేతాలు కనిపిస్తున్నాయి. ముందుగా డిసెంబర్ 6న విడుదల అని చెప్పినా, పుష్ప 2 వంటి భారీ చిత్రంతో పోటీ పడటం వల్ల రిస్క్ తీసుకోవదానికి ఇష్టపడలేదు.
చావా, మహారాష్ట్ర వీరుడు శంభాజీ జీవిత కధ ఆధారంగా రూపొందింది. ఈ చారిత్రక కథలో రష్మిక మందన్న నటించడంతో మరింత ఆసక్తి పెరిగింది. అయితే కొత్త డేట్ గా జనవరి 10ను లాక్ చేయాలని భావిస్తున్నట్లు ముంబై మీడియా నుండి సమాచారం లభించింది. ముందుగా డిసెంబర్ 20ను పరిగణనలోకి తీసుకున్నప్పటికీ, అదే రోజు ముఫాసా రిలీజ్ ఉండటం, అలాగే ఇతర దక్షిణాది సినిమాలు ఉండటంతో సంక్రాంతి కాలం బెటర్ ఆప్షన్ గా భావించారు.
పుష్ప 2తో ఢీ కొట్టడం కంటే రామ్ చరణ్ నటించిన గేమ్ చేంజర్ సినిమాను ప్రత్యర్థిగా ఎంచుకోవడం చావా టీమ్ కి సురక్షితమని భావించారు. ప్రస్తుతం శంకర్ ఫామ్ లో లేకపోవడం, అలాగే సినిమాపై అనుకున్నంత బజ్ లేకపోవడంతో పోటీ పడేందుకు చావా టీమ్ సిద్ధమైంది. విక్కీ కౌశల్ ప్రధాన పాత్రలో నటించిన ఈ చిత్రానికి 200 కోట్లకు పైగా బడ్జెట్ కేటాయించారు. మరో రెండు మూడు రోజుల్లో చావా విడుదల తేదీపై అధికారిక ప్రకటన వెలువడనుంది.
Follow
Follow
Post a Comment