నందమూరి బాలకృష్ణ అభిమానులు ఎంతో ఆసక్తిగా ఎదురుచూస్తున్న 109వ చిత్ర టైటిల్ టీజర్ ఈ వారంలో విడుదల కాబోతోంది. ఈ టీజర్ విడుదల చేయాలని ముహూర్తం ఫిక్స్ చేసినట్టు సమాచారం. దర్శకుడు బాబీ ప్రపోజ్ చేసిన మూడు టైటిల్స్‌లో డాకూ మహారాజ్ పైనే బాలయ్య ఎక్కువ ఆసక్తి చూపించారట. అందుకే ఈ టైటిల్‌కు తగ్గట్టుగా టీజర్‌కి ఫైనల్ టచ్ ఇచ్చారట. మరికొన్ని రోజుల్లోనే ఈ సస్పెన్స్ వీడనుంది.
టైటిల్ మాత్రమే కాదు, రిలీజ్ డేట్ కూడా టీజర్‌లోనే ప్రకటిస్తారని టాక్. సంక్రాంతి సీజన్‌కి ఈ సినిమా పక్కాగా రాబోతున్నట్టు ప్రచారం జరుగుతోంది. జనవరి 12ని విడుదల తేదీగా లాక్ చేశారని తెలుస్తోంది. అడవుల్లో ఉండే రౌడీ గ్యాంగ్స్‌ను ఎదుర్కొనే బాలయ్య పాత్ర ఈసారి కొత్త అవతారంలో రానుందని అంచనా. మూడు డిఫరెంట్ షేడ్స్‌లో కనిపించబోతున్నారట బాలయ్య, వీటిలో ఒకటి థియేటర్లోనే సర్ప్రైజ్‌గా ఉంచాలని నిర్ణయించారు.
ఈ పండగ సీజన్‌కి గేమ్ చేంజర్, సంక్రాంతికి వస్తున్నాం, మజాకా వంటి చిత్రాలతో పాటు బాలయ్య 109 కూడా పోటీలో ఉండటం అభిమానులకు మరింత ఉత్సాహాన్నిస్తుంది. వాల్తేరు వీరయ్య తర్వాత బాబీ బాలయ్య కోసం ఈ స్క్రిప్ట్‌ని ఎంతో శ్రద్ధగా సిద్ధం చేశారు. తమన్ సంగీతం మరోసారి బాలయ్యకు ప్రత్యేక ఆకర్షణగా నిలవనుంది. టీజర్ విడుదలతోనే భారీ క్రేజ్ ఏర్పడుతుందని, బిజినెస్‌ ఆఫర్స్ ఇప్పటికే భారీగా ఉన్నాయని అంటున్నారు.
Follow
Follow
Post a Comment