నాగ చైతన్య ప్రస్తుతం గీతా ఆర్ట్స్ 2 బ్యానర్‌పై రూపొందుతున్న తండేల్ చిత్రంతో బిజీగా ఉన్నాడు. ఈ సినిమా నిజ జీవిత సంఘటనల ఆధారంగా చందూ మొండేటి దర్శకత్వంలో తెరకెక్కుతోంది. సాయి పల్లవి జోడీగా నటిస్తున్న ఈ చిత్రం రియలిస్టిక్ థ్రిల్లర్‌గా రూపొందుతోంది. భారీ బడ్జెట్‌తో రూపొందుతున్న ఈ ప్రాజెక్ట్ పట్ల చైతూ చాలా నమ్మకంగా ఉన్నాడు.
ఇప్పటికే తండేల్ పై భారీ అంచనాలున్నా, చైతూ నెక్స్ట్ ప్రాజెక్ట్‌పై ఫ్యాన్స్‌లో మరింత ఆసక్తి నెలకొంది. తాజా సమాచారం ప్రకారం, విరూపాక్ష సినిమాతో 100 కోట్ల క్లబ్‌లో చేరిన దర్శకుడు కార్తీక్ వర్మ దండు చైతన్యతో కొత్త సినిమా ప్లాన్ చేశాడు. యాక్షన్-థ్రిల్లర్ జోనర్‌లో రూపొందబోయే ఈ చిత్రానికి కథ చైతన్యకు బాగా నచ్చడంతో ప్రాజెక్ట్ ఫైనల్ అయ్యింది. ఈ చిత్రానికి సంబంధించిన ప్రీప్రొడక్షన్ పనులు శరవేగంగా సాగుతున్నాయి.
డిసెంబర్ 11న సినిమా పూజా కార్యక్రమం జరగనుంది. ప్రముఖ నిర్మాత బీవీఎస్ఎన్ ప్రసాద్ భారీ బడ్జెట్‌తో ఈ సినిమాను నిర్మిస్తున్నారు. వచ్చే ఏడాది రెగ్యులర్ షూటింగ్ మొదలుకావచ్చని సమాచారం. హీరోయిన్ ఎంపికపై ఇంకా అధికారిక సమాచారం రాలేదు కానీ పూజా హెగ్డే పేరు వినిపిస్తోంది. గతంలో చైతన్య, పూజా ఒక లైలా కోసం చిత్రంలో కలిసి నటించగా, అది పెద్దగా సక్సెస్ కాలేదు. కానీ ఈసారి వీరి కలయికపై మంచి ఆశలున్నాయి.
Follow
Follow
Post a Comment