'పుష్ప 2' పై క్రేజ్ రోజురోజుకూ మరింత పెరుగుతోంది. ఈ మాస్ ఎంటర్టైనర్ డిసెంబర్ 5న విడుదలకు సిద్ధమవుతుండగా, ఫస్ట్ డే కలెక్షన్లలో రికార్డు స్థాయిలో రావాలని టీమ్ టార్గెట్ గా పెట్టుకుంది. దర్శకుడు సుకుమార్ 'పుష్ప 2'లో కథ, యాక్షన్, మరియు అల్లు అర్జున్ పాత్రను మరింత మాస్ ఎలిమెంట్స్ తో ప్రెజెంట్ చేస్తున్నట్లు ముందే తెలిపారు.
ఇప్పుడు, సుకుమార్ అభిమానులకు సర్‌ప్రైజ్ గిఫ్ట్ గా 'పుష్ప 2' క్లైమాక్స్ లో పుష్ప 3కి సంకేతాలిచ్చే ఎలిమెంట్ ని జోడిస్తున్నట్లు సమాచారం. ఈ క్లైమాక్స్ లో ఒక ప్రముఖ హీరో వాయిస్ వినిపించనుందట. ప్రస్తుతం అయితే ఎక్కడా లీక్ కాకుండా ఆ హీరో పేరు మాత్రం రహస్యంగా ఉంచారు. ‘బాహుబలి 2’లో కట్టప్ప రహస్యం ప్రేక్షకులను థియేటర్లకు రప్పించినట్లే, ఇదే తరహా సర్‌ప్రైజ్ ఎలిమెంట్‌తో 'పుష్ప 3' పై ఆసక్తిని పెంచాలని సుకుమార్ భావిస్తున్నారని టాక్. ఇక నవంబర్ 4న ఐటెమ్ సాంగ్ కోసం ప్రత్యేక సెట్స్ లో షూటింగ్ మొదలవుతుండగా, ఆ తర్వాత 'పుష్ప 3' లీడ్ సీన్స్ కూడా చిత్రీకరించనున్నారు. 'పుష్ప 2' బ్లాక్ బస్టర్ విజయం సాధిస్తే, పుష్ప 3 పై భారీ హైప్ క్రియేట్ అవడం ఖాయం. ఈ క్లైమాక్స్ ఎపిసోడ్ అభిమానులను ఏ స్థాయిలో ఆకట్టుకుంటుందో చూడాలి.
Post a Comment