ప్రస్తుతం సినీ పరిశ్రమలో పాన్ ఇండియా సినిమాల గిరాకీ గట్టిగానే పెరుగుతోంది. లారెన్స్ తాజా చిత్రం ‘కాలభైరవ’ కూడా ఈ కోవలోకి వస్తోంది. రమేష్ వర్మ దర్శకత్వంలో లారెన్స్ హీరోగా రూపొందుతున్న ఈ సోషియో ఫాంటసీ సినిమా పై భారీ అంచనాలు నెలకొన్నాయి. లారెన్స్ పుట్టిన రోజు సందర్భంగా చిత్రానికి సంబంధించిన ఫస్ట్ లుక్, టైటిల్‌ను విడుదల చేశారు.
‘కాలభైరవ’ టైటిల్‌తో రూపొందుతున్న ఈ చిత్రం సూపర్ హీరో బ్యాక్‌డ్రాప్‌లో సాగుతూ, విజువల్ ఎఫెక్ట్స్‌కు ప్రాధాన్యం ఇవ్వనుంది. ఏ స్టూడియోస్ నిర్మిస్తున్న ఈ చిత్రంలో బాలీవుడ్ స్టార్లు కీలక పాత్రల్లో కనిపించబోతున్నారని టాక్. ఇండస్ట్రీలో హాట్ టాపిక్ గా మారిన ఈ ప్రాజెక్ట్ కోసం రూ.200 కోట్ల బడ్జెట్ కేటాయించినట్లు సమాచారం. తెలుగు, తమిళ, మలయాళ, హిందీ భాషల్లో ఈ చిత్రాన్ని 2026లో విడుదల చేయాలని ప్లాన్ చేస్తున్నారు.
ఈ భారీ ప్రాజెక్ట్ కోసం లారెన్స్, రమేష్ వర్మ ఏడాది క్రితమే స్క్రిప్ట్ వర్క్ ప్రారంభించారు. 2025 సంక్రాంతికి షూటింగ్ ప్రారంభమవుతుందని ప్రకటించారు. ఇదే సమయంలో వీరిద్దరి కాంబినేషన్‌లో ‘కిల్’ అనే మరో రీమేక్ సినిమాపై ప్రచారం జరుగుతున్నా, లారెన్స్ కాలభైరవ పై పూర్తి దృష్టి పెట్టడంతో కిల్ సెట్స్ మీదకు ఎప్పుడు వెళ్తుందనేది సందిగ్ధంగా మారింది.
Follow
Follow
Post a Comment