వంశీ పైడిపల్లి తన తొలి హిందీ చిత్రానికి దర్శకత్వం వహించనుండగా, ఈ చిత్రంలో షాహిద్ కపూర్ హీరోగా నటించే అవకాశాలున్నాయి. ఆ సినిమాపై 130 కోట్లకు పైగా బడ్జెట్ పెట్టె అవకాశం ఉన్నట్లు టాక్ వస్తోంది. అసలే షాహిద్ కు ఇటీవల కాలంలో అక్కడ పెద్దగా సక్సెస్ లేదు. వంశీ పైడిపల్లిని నమ్మి అక్కడ అంత బడ్జెట్ పెట్టడం అంటే మాములు రిస్క్ కాదు. వంశీ పైడిపల్లి సినిమాలు కమర్షియల్ గా కొన్నిసార్లు క్లిక్ అయ్యాయి. కానీ అలాంటి దర్శకుల సినిమాలకు టాక్ తేడా కొడితే మామూలు నష్టాలు రావడం లేదు.
కొరటాల శివ, పూరి లాంటి వాళ్ళు అందుకు ఉదాహరణ. మరి దిల్ రాజు ఎందుకంత ప్రయోగం చేస్తున్నారో సినిమా వచ్చే వరకు సస్పెన్సే. ఇక స్క్రిప్ట్ పూర్తయ్యాక బడ్జెత్ విషయంలో కూడా చివరి నిర్ణయం తీసుకుంటారట. తన ముంబై పర్యటనల సమయంలో దిల్ రాజు పలువురు ప్రముఖ బాలీవుడ్ నటులను కూడా కలిశాడు. ప్రస్తుతం ఈ చర్చలు ప్రారంభ దశలోనే ఉన్నాయి. ఈ ఏడాది చివరి నాటికి దిల్ రాజు నుండి కొన్ని పెద్ద ప్రకటనలు రానున్నాయని సినీ వర్గాలు అంటున్నాయి.
Follow
Post a Comment