ఇటీవల మ్యూజిక్ డైరెక్టర్ అనిరుధ్ రవిచందర్ 'భారతీయుడు 2' సినిమాకు ఇచ్చిన సంగీతం మాత్రం అభిమానులను నిరాశ పరిచింది. అతని నుండి ప్రేక్షకులు, అభిమానులు ఎప్పుడూ ఎంతో ఆశిస్తారు. కానీ, ఈసారి ఆయన అందించిన సంగీతం మాత్రం అంచనాలకు తగ్గట్టుగా లేదని అనిపించింది. ఆ సినిమాకి శంకర్ దర్శకత్వం, కమల్ హాసన్ నటన, అనిరుధ్ సంగీతం — ఇవన్నీ కలిసి సినిమా విజయానికి కీలకమని అందరూ భావించారు. కానీ, అనిరుధ్ అందించిన పాటలు పెద్దగా ప్రభావం చూపలేకపోయాయి.
ప్యాన్ ఇండియా స్థాయిలో తీసుకున్న ఈ చిత్రానికి, సంగీతం అలాంటి ఆదరణను పొందలేకపోయింది. అనిరుధ్ రవిచందర్ ఒక సినిమాకు సంగీతం అందించినప్పుడు, అది మంచి ఫలితాన్ని ఇవ్వడానికి, కంటెంట్‌లోని బలం కూడా కీలకం. 'జైలర్' సినిమా ఉదాహరణగా తీసుకుంటే, అనిరుధ్ అందించిన బ్యాక్‌గ్రౌండ్ స్కోర్ ఎంతో క్రేజ్ ను అందుకుంది. రజనీకాంత్ పాత్రలో, అనిరుధ్ సంగీతం ఎంతో హుందాగా అనిపించింది. 'విక్రమ్' సినిమాలో కూడా కమల్ హాసన్ పాత్రకు అనిరుధ్ అందించిన సంగీతం ప్రశంసలు అందుకుంది.
తెలుగులో కూడా అనిరుధ్ తనదైన ముద్ర చూపించాడు. 'జెర్సీ', 'గ్యాంగ్ లీడర్', 'అజ్ఞాతవాసి' వంటి చిత్రాలకు సంగీతం అందించి మెప్పించాడు. రాబోయే 'దేవర' సినిమాకు కూడా అనిరుధ్ సంగీతం అందిస్తున్నాడు. ఇప్పటికే టైటిల్ సాంగ్ మంచి క్రేజ్ అందుకుంది. ఇక మరో రొమాంటిక్ మెలోడీ సాంగ్ ను త్వరలోనే రిలీజ్ చేయనున్నారు. కొరటాల అనిరుధ్ మ్యూజిక్ పైన చాలా కాన్ఫిడెంట్ గానే ఉన్నాడు. ఇక గేమ్ ఛేంజర్ తేడా కొట్టినప్పటికి అది అతని తప్పేమీ కాదు. ఏదేమైనా అనిరుధ్ దేవర తో బౌన్స్ బ్యాక్ అవ్వాల్సిన అవసరం ఉంది.
Follow
Post a Comment