ప్రభాస్ ప్రధాన పాత్రలో నటించిన "కల్కి 2898AD" మూవీ కోసం ప్రపంచవ్యాప్తంగా సినీ ప్రేక్షకులు ఆసక్తిగా ఎదురుచూస్తున్నారు. డైరెక్టర్ నాగ్ అశ్విన్ సారథ్యంలో పాన్ ఇండియా స్థాయిలో తెరకెక్కిన ఈ చిత్రంలో ప్రభాస్ తో పాటు అమితాబ్ బచ్చన్, కమల్ హాసన్, దీపికా పదుకొణె, దిశా పటానీ వంటి ప్రముఖులు నటిస్తున్నారు. హాలీవుడ్ స్థాయి నిర్మాణ విలువలు, విపరీతమైన ప్రమోషన్లతో ఈ మూవీపై అంచనాలు అత్యధికంగా ఉన్నాయి.
సినిమా ట్రైలర్ విడుదలైన తర్వాత ప్రేక్షకుల నుంచి సానుకూల స్పందన వచ్చింది. ట్రైలర్ లో విజువల్స్, యాక్షన్ సీక్వెన్స్, మరియు సాంకేతికత చూసి ప్రేక్షకులు ఫిదా అవుతున్నారు. అయితే, దీపికా పదుకొణె డబ్బింగ్ పై కొన్ని విమర్శలు ఉన్నాయి. ఆమె డబ్బింగ్ లో ఏదో తేడా ఉందని, నటనలోని పాత్రకు డబ్బింగ్ తగినట్లుగా లేదని కొందరు అభిప్రాయపడుతున్నారు. దీపికానే చెప్పిందా లేక వేరే ఎవరో చెప్పారా అన్న ప్రశ్నలు ఉత్పన్నమవుతున్నాయి.
"కల్కి 2898 ఏడి" సైన్స్ ఫిక్షన్ డిస్టోపియన్ జోనర్ లో రూపొందిన చిత్రం కాబట్టి, భాషా మార్పులను సృష్టించడంలో మేకర్స్ పలు ప్రయోగాలు చేసినట్లు తెలుస్తోంది. నాగ్ అశ్విన్ దీపికా పాత్రకు ప్రత్యేకంగా డబ్బింగ్ చేయించడానికి ఈ మార్పులు చేసినట్లు అనిపిస్తోంది. 800 ఏళ్ల భవిష్యత్తు నేపథ్యంలో ఉండే ఈ సినిమాలో భాషా పరిణామం అనేది ఒక ప్రధాన అంశంగా ఉండవచ్చని అంటున్నారు. అంటే కథ సోల్ కి తగ్గట్లే ఆ డబ్బింగ్ ఉంటుందట.
కథలోని కొత్తదనం, విజువల్ ఎక్స్‌పీరియన్స్, మరియు నాగ్ అశ్విన్ చూపించిన క్రియేటివిటీని ప్రేక్షకులు ప్రశంసిస్తున్నారు. ట్రైలర్ ఆధారంగా మాత్రమే పాత్రలను మరియు డిసిషన్స్ ను జడ్జ్ చేయడం సరికాదు అని విశ్లేషకులు సూచిస్తున్నారు. జూన్ 27న సినిమా విడుదల తర్వాత ఈ వివాదాలపై క్లారిటీ రానుందని అభిప్రాయపడుతున్నారు.
ఇక ప్రేక్షకుల అంచనాలకు తగ్గట్టుగా "కల్కి 2898 ఏడి" సినిమా ఉంటుందా లేదా అనేది కాలమే సమాధానం ఇవ్వాలి.
Follow
Post a Comment