.jpeg)
టాలీవుడ్ నేచురల్ స్టార్ నాని వరుస విజయాలతో ముందుకు సాగుతున్నారు. దసరా, హాయ్ నాన్న వంటి చిత్రాలు సూపర్ హిట్ అవడంతో నాని మంచి జోష్‌లో ఉన్నారు. ప్రస్తుతం ఆయన సరిపోదా శనివారం చిత్రంపై దృష్టి పెట్టారు. ఈ మూవీ సెప్టెంబర్ 27న విడుదల కానుంది. అయితే, నాని తర్వాత సుజిత్ తో సినిమా చేయనున్నట్లు సమాచారం. మోషన్ పోస్టర్ కి మంచి స్పందన వచ్చినప్పటికీ, నిర్మాత డీవీవీ దానయ్య బడ్జెట్ సమస్యల కారణంగా ప్రాజెక్ట్ నుంచి తప్పుకున్నారట. ఈ ప్రాజెక్ట్‌ను నిర్మించడానికి మరికొందరు నిర్మాతలు సిద్ధంగా ఉన్నారని సమాచారం.
ఇక దసరా సినిమాతో మంచి హిట్ ఇచ్చిన శ్రీకాంత్ ఓదెలకు నాని మరో అవకాశం ఇచ్చారు. ప్రస్తుతం ఈ సినిమా ప్రీ ప్రొడక్షన్ పనులు జరుపుకుంటున్నాయి. త్వరలోనే షూటింగ్ ప్రారంభం కానుంది. ఈ సినిమా బడ్జెట్ రూ.200 కోట్లు అని వార్తలు వినిపిస్తున్నాయి. ఇది నాని కెరీర్‌లో హైయెస్ట్ బడ్జెట్ మూవీ అవుతుందని అంటున్నారు. ఈ చిత్రాన్ని ఎస్‌ ఎల్‌ వీ సినిమాస్‌ బ్యానర్ పై సుధాకర్ చెరుకూరి నిర్మించనున్నారు. హై ఓల్టేజ్ యాక్షన్ డ్రామాగా రూపొందనున్న ఈ మూవీలో నాని కొత్త లుక్‌లో కనిపించనున్నారు. టెక్నీషియన్స్ కూడా ఫిక్స్ అయ్యారు. త్వరలోనే అన్ని వివరాలు అధికారికంగా ప్రకటించనున్నారు. ఈ చిత్రంతో నాని ఏ స్థాయి హిట్ కొడతారో చూడాలి.
Follow
Post a Comment